लाभांस चाहनेलाई प्राइमको सेयर

नागरिक संवाददाता
काठमाडौं फागुन १३
ुनगद लाभांस चाहनेका लागि हाम्रो सेयर उपयुक्त हुनेछु आगामी २५ गतेबाट सेयर निष्कासन गर्ने तयारी गरिरहेको प्राइम लाइफ इन्स्योरेन्सका प्रमुख कार्यकारी अधिकृत रेष्ठा झाले भने ुपुँजी वढाउने वाध्यता नभएकाले वोनस सेयर हाम्रो प्राथमिकता होइन ।ु
कम्पनीले १० लाख ८० हजार किक्ता साधारण सेयर निष्कासन गर्न लागेको हो । चुक्ता पुँजी २५ करोड २० लाख रुपैयाँ रहेको कम्पनीको सेयर निष्कासनपछि पुँजी ३६ करोड रुपैयाँ पुग्ने छ ।
साधारण सेयरमा लगानी गरेपछि आम लगानीकर्ताको आसा कम्पनीले दिने वोनस सेयर तथा नगद लाभांसमा हुन्छ । कम्पनीले आगमी वर्ष नै नाफबाट नगद लाभांस दिने जनाएको छ । लाभांसमा चिक्त वुझाउन सक्ने लगानीकर्ताका लागि प्राइम लाइफको सेयर राम्रो लगानी हुनसक्छ ।
गत वर्ष खुद नाफा ५ करोड ५९ लाख रुपैयाँ गरेको कम्पनीको जगेडा कोषमा ५ करोड ६७ लाख रुपैयाँ छ । कुल नेटवर्थ ३० करोड ६७ लाख रुपैयाँ छ भने प्रति सेयर नेटवर्थ एक सय रुपैयाँभन्दा वढी छ । यो नेटवर्थबाट औषत प्रतिफल शुन्य दशमलव ३३ प्रतिशत प्राप्त हुने छ । कम्पनीको समग्र वित्तीय अवस्था मूल्यांकन गर्दा सन्तोषजनक देखिन्छ ।
यद्यपी दोस्रो बजारमा पनि उच्च मूल्यमा कारोवार भएको हेर्न चाहने लगानीकर्ताका लागि नेपाल स्टक एक्सचेन्ज नेप्से मा सुचिकृत १७ बिमा कम्पनीको एक महिनामा हुने औषत कारोवारले भने निरास पार्ने छ । महिनामा ६ दिन मात्र बिमा कम्पनीका सेयर कारोवार हुने गरेको छ । जति थोरै कारोवार भयो त्यसको मूल्य वढ्ने संभावना पनि कम रहन्छ । साथै कम कारोवार हुँदा आफूले चाहेको वेला बेच्न वा किन्न कठिन हुन्छ । उच्च प्रतिफलका लागि लगानी गर्नेलाई कुनै पनि बिमा कम्पनीको सेयरले निरास बनाउने सन्दर्भमा प्राइमको सेयर दोस्रो बजार वुझेकाका लागि आकर्षक नहुनसक्छ ।
प्राइम लाइफले पुँजी वृद्धिका लागि वोनस सेयर जारी गर्दैन । ुहामी वोनस सेयरमा केन्द्रित छैनौंु झाले भने । सित्तैमा पाइने वोनस सेयरमूखि लगानीकर्ताका लागि पनि प्राइमको सेयर आकर्षक नहुन सक्छ । तर घट्दो सेयर मूल्य घरजग्गा तथा सुनमा कडाइ र विग्रदो लगानीको क्षेत्रका कारण एउटा भरपर्दो लगानी भने प्राइमको सेयर हो ।
बजार सँधै घट्दो अवस्थामा नवस्ने विश्वव्यापी मान्यताका कारण नेपालको सेयर बजार पनि केही समयपछि उकालो लाग्ने निष्चित छ । अहिले एक सय रुपैयाँमा सेयर खरिद गरेर बजार वढेपछि वेच्दा त्यसबाट फाइदा उठाउन सकिन्छ । न्युनतम १० किक्ता सेयरका लागि पनि आवेदन दिन सकिने हुँदा कम्पनीको सेयर धेरैभन्दा धेरैले पाउने सम्भावना वढी रहन्छ । यसले सेयर पर्ने सम्भावनालाई पनि वलियो बनाएको छ ।
कम्पनीको अध्यक्ष उद्योगपति राजेन्द्रकुमार खेतान छन् । कम्पनीको चालक मानिने प्रमुख कार्यकारी अधिकृतको पदमा झा छन् । उनी राम्रो बैंकिङ अनुभव भएका व्यक्ति हुन् । प्राइम लाइफअघि स्ट्यान्डर्ड चार्टर्ड बैंकमा वित्तीय बजार प्रमुख थिए । तर बिमा बैंकिङभन्दा फरक व्यवसाय भएकाले उनको बैंकिङ अनुभव यसमा पर्याप्त नहुनसक्छ । यसकारण पनि प्राइमसँगै आएका अन्य तीन बिमा कम्पनीको श्रेणीमा उनी अझै पनि पहिलो नंम्वरमा छैनन् । ुहामीभन्दा अगाडि एसियन लाइफ इन्स्योरेन्स छु झाले भने ।