राष्ट्र बैंकले तरलता जाँच गर्ने

नागरिक संवाददाता
काठमाडौं असोज १३
बजारमा तरलता लगानी योग्य पुँजी अभाव भए÷नभएको जानकारी लिन राष्ट्र बैंकले आगामी साता आउट राइट सेल गर्ने भएको छ । बजारमा अधिक तरलता भएका बेला तत्काल त्यसलाई िखंच्न प्रयोग गर्ने यो मौदि्रक औजारबाट केन्द्रीय बंैंकले २ अर्ब रुपैयाँ वरावरको जारी गर्ने भएको हो ।

'बैंकहरुसँग पर्याप्त तरलता छ/छैन भनेर जाँच गर्न आउट राइट सेल गर्न लागिएको हो,' केन्द्रीय बैंक स्रोतले भन्यो, 'निक्षेप वृद्धिले पर्याप्त तरलता भएकाले यसको यथार्त अवस्था के छ भनेर आउट राइट सेलबाट पत्ता लाग्छ ।'
राष्ट्र बैंकसँग सरकारी ऋणपत्र वन्डलगायत करिव ३१ अर्ब रुपैयाँ वरावरको मौदि्रक औजार छ । त्यहीमध्ये उसले अहिलेलाई २ अर्बको आउट राइट सेल गर्न लागेको हो । दीर्घकालिन प्रकृतिको यो मौदि्रक औजार केन्द्रीय बैंकले करिव तीन महिनाअघि प्रयोग गरेको थियो ।
वढी भएको तरलता िखंच्न केन्द्रीय बैंकले छोटो अवधिको मौदि्रक औजार रिभस्र रिपो दुई महिनायता पाँच पटक प्रयोगमा ल्याइसकेको छ । यसबाट उसले २ अर्ब रुपैयाँ बजारबाट िखंचेको थियो । लामो अवधिको आपट राइट सेल खरिद गर्दा बैंक तथा वित्तीय कम्पनीले वट्टादरको आधारमा खरिद गर्नु पर्छ ।
उदाहरणका लागि सय रुपैयाँ मूल्यको यो औजार खरिद गर्दा कम्पनीहरुले सय रुपैयाँभन्दा कम मूल्य वोलकवोलमा हाल्नु पर्छ । जसले सयको नजिकमा वोलकवोल गर्छ उसले यो औजार खरीद गर्न पाउँछ । यो औजारको अवधि पुगेपछि कम्पनीहरुले पुरै सय रुपैयाँ पाउँछन् ।