एक महिनामा हिमचुलीका चार शाखा थप

क्षेत्रीय स्तरको हिमचुली विकास बैंक पोखराले शुक्रवार स्थानीय पृथ्वी चौकमा शाखा विस्तार गरेको छ । बैंकले पछिल्लो एक महिनामा सोसहित चार शाखा विस्तार गरेको हो ।
बैंकिङ क्षेत्रमा आएको तिब्र प्रतिष्पर्धाका कारण बैंकले साताको अन्तरमा पोखराभित्र तीन र तनहुँमा एक शाखा विस्तार गरेको छ । बैंकले एक महिनाभित्र तनहुको खैरेनीटार पोखराको छोरेपाटन र लेकसाइडमा शाखा विस्तार गरिसकेको छ ।
बढीभन्दा बढी ग्राहकसम्म पुग्ने बैंकको लक्ष्य रहेका कारण शाखा विस्तारमा तिव्रता दिइएको प्रमुख कार्यकारी मनीराम पोखरेलले बताए । उनले चाडै चितवनको नारायणघाटमा पाँचौैं शाखा खोल्ने तयारी भईरहेको जानकारी दिए ।
१० करोड २६ लाख रुपैयाँ चुक्ता पुँजी रहेको बैंकले बैशाक १० सम्म एक अर्ब ८ करोड निक्षेप संकलन गरेको छ । सथै ९६ करोड रुपैया कर्जा तथा लगानी गरेको छ । स्थापनाको साढे तीन वर्षमा बैंकको ११ हजार ग्राहक पुगेको पोखरेलले दावी गरे । उनले सो अवधिमा बैंकले दुई करोड ५१ लाख रुपैया नाफा कमाएको बताए ।
अन्य चारवटा वित्तीय फाइनान्स कम्पनी संस्थाहरुसँग गाभिएर वाणिज्य बैंकमा स्तरोन्नती हुन बैंक राष्ट्र बैंकको स्वीकृति पर्खिएर वसेको छ ।
हिमचुली विकास बैंकसहित बुटवल फाईनान्स सिद्वार्थ फाईनान्स महालक्ष्मी फाईनान्स र वीरगाज फाईनान्स गाभिएर वाणिज्य बैंकमा स्तरोन्नती हुन लागेका हुन् । पाचै कम्पनी गाभिएपछि चुक्ता पुजी दुई अर्ब १० करोड रुपैयाँ पुग्ने छ ।