मोदीले अनुमति पायो

काठमाडौं भदौ २(नागरिक)
विद्युत विकास विभागले मंगलवार तल्लो मोदी १ लाई उत्पादन अनुमति दिएको छ । १० मेगावाटको आयोजना ३ बर्षभित्रमा निर्माण गरिसक्ने लक्ष्य लिइएको छ । आयोजना स्थल पर्वतको तिलहारी चुवा पकुवा र पिपलटारी गाविसमा पर्छ ।
१ अर्ब ५० करोडमा निर्माण गरिने आयोजनाको उर्जा खरिद सम्झौता भइसकेको छ । बर्खामा प्रतियुनिट ४ र हिउँदमा ७ रुपैयाँका दरले सम्झौता भएको थियो । आयोजनका कार्यकारी प्रमुख साना तथा मझौला जलविद्युत परियोजनाका पूर्वअध्यक्ष महेन्द्रवहादुर कार्की हुन् ।