ग्रामिण विकासको सरकारी सेयर विक्री गर्ने निर्णय

सुदर्शन सापकोटा
काठमाडौ जेठ ११
अर्थमन्त्री संयोजक रहेको निजीकरण समितिले चार ग्रामिण विकास बैंकमा भएको सरकारी सेयर स्थानीय सहकारीलाई विक्री गर्ने निर्णय गरेको छ । स्थानीय समुदायको स्वामित्व वढाएर वास्तविक किसानको हकमा कार्य गर्नका लागि सेयर विक्री गर्ने निर्णय गरिएको हो ।
पूर्वााचल पश्चिमााचल मध्य पश्चिमााचल र सुदूर पश्चिमााचल ग्रामिण विकास बैंकको सेयर विक्री गर्न सुक्रवार निर्णय गरेको थियो । सरकारले मध्यमााचल ग्रामिण विकास बैंकको सेयर अवैधानिक रुपमा साचालित युनिटी लाइफ इन्टरनेसनललाई यसअघि नै विक्री गरिसकेको छ । मंगलवार राष्ट्र बैंकले यो बैंकलाई नियन्त्रणमा लिइसकेको छ ।
ुस्थानीय किसान तथा समुदायको स्वामित्व वढोस् भन्ने उद्देश्यले सेयर विक्री गर्न लागिएको होु समितिमा सदस्य तथा सभासद् हरि रोक्काले भने । उनले सेयरको विक्री वोलकवोलबाट गरिने जानकारी दिए ।
ती बैंकमा सरकारको थोरै सेयर भएपनि निर्णयक तहमा सरकारी अधिकारीको वोलवाल चल्ने गरेको थियो । यो निर्णयपछि किसान तथा स्थानीय समुदाय नै निर्णयक तहमा पुग्ने छन् । ुकिसान आफैले आफ्नो लागि निर्णय गर्ने अधिकार पाउनेछन्ु रोक्काले भने ।
सेयरको न्युनतम मूल्य तोकेर त्यसमा वोलकवोल गराउन लगाइने छ । यसरी वोलकवोल गर्दा जसले वढी सेयर मूल्य तिर्छ उसैले कम्पनीको सेयर पाउने छ । वोलकवोलबाट आएको रकम स्थानीय समुदाय तथा सहकारीले नै चलाउन पाउने व्यवस्था गरिएको उनले जानकारी दिए । यसअघि सरकारी सेयर विक्री गर्दा आएको रकम सरकारी ढुकुटीमा नै जम्मा हुन्थ्यो ।
चार ग्रामिण विकास बैंकमा सरकारको ८ देखि १६ प्रतिशतसम्म सेयर छ । यी बैंकमा वाणिज्य बैंकहरु कृषि विकास राष्ट्रिय वाणिज्य नेपाल बैंक नबिल लगायतकाको पनि सेयर छ ।
समितिले सार्वजनिक संस्थान निजीकरणका लागि रोक्काको संयोजकत्वमा उपसमिति पनि बनाएको छ । उपसमितिले अर्थमन्त्रालयको संस्थान समन्वय महाशाखा निजी करण इकाइले हालै तयार पारेको प्रतिवेदनका आधारमा निजीकरण प्रकृया टुंगो लगाएर सिफारिस गर्नेछ ।
कुन संस्थानलाई कुन प्रकृयाले किन निजीकरण गर्ने तथा त्यसको वित्तीय अवस्थाका आधारमा सिफारिस गर्ने रोक्काले जानकारी दिए । ुउपसमितिले सिफारिस गरेको आधारमा समितिले निर्णय गरि संस्थान निजीकरण गर्ने प्रकृया सुरु हुनेछु उनले भने ।
उपसमितिमा गभर्नर युवराज खतिवडा अर्थमन्त्रालयका राजश्व सचिव कृष्णहरि वास्कोटा सदस्य छन् । उपसमितिको सदस्य सचिवमा टंकमणी शर्मा छन् ।