बैंकको कमिसन आम्दानी बढ्यो

आर्थिक बर्ष २०६५-६६ को पहिलो नौ महिनामा वाणिज्य बैंकहरुको कमिसन शुल्क र छुट वापतको आम्दानी बढेको छ।
विश्व आर्थिक मन्दीका कारण एलसी प्रतितपत्र लगायत विभिन्न बैंकिङ सेवा प्रभावित भइ नेपाली बैंकको पनि आम्दानी घट्ने आँकलन भइरहेको बेला बैंकहरुले प्रकाशित गरेको चैत मसान्तसम्मको वित्तीय विवरणमा आम्दानी घटेको छैन ।
२५ मध्ये वित्तीय विवरण प्रकाशित गर्ने १६ वाणिज्य बैंकमा नेपाल एसविआइ बैंकको आम्दानी मात्र घटेको छ । स्टेट बैंक अफ इन्डियाको समेत लगानी रहेको सो बैंकको आम्दानी १.३३ प्रतिशतले घटेको हो ।

अन्य १५ वाणिज्य बैंकको आम्दानी भने उल्लेख्य वढेको छ । एनएमवी बैंकका प्रमुख कार्यकारी अधिकृत उपेन्द्र पौडेलले डलरको मूल्यमा आएको वृद्धि एलसीमा आएको सुधार तथा जग्गाको मूल्य वढेका कारण बैंकको आम्दानी वढेको बताए ।

उनले पश्मिना गार्मेन्ट तथा कार्पेटका लागि खोलिने एलसीमा केही कमी आएपनि अन्यमा विस्तारै वढेका कारण पनि शुल्क कमिसन र छुट वापत हुने आम्दानी वढेको जानकारी दिए । उनको बैंकले अन्य बैंकको तुलनामा सबैभन्दा वढी तीन सय ३३ प्रतिशतभन्दा वढीले त्यस्तो आम्दानी गरेको छ ।

एक सय प्रतिशतभन्दा वढी शुल्क कमिसन र छुट वापत एनएमवी बैंकका साथै डिसिविल बैंक र ग्लोवल बैंकले गरेका छन् ।
विकास बैंकबाट स्तरोन्नती गरी वाणिज्य बैंक वनेको डिसिवीएलले एक सय ३३ दशमलव ६४ प्रतिशतले त्यस्तो आम्दानी गरेको छ । साथै ग्लोवलले एक सय २७ दशमलव ३० प्रतिशतले आम्दानी गरेको छ ।

नेपाल इन्भेष्टमेन्ट लक्ष्मी कुमारी लुम्विनी नविल नेपाल क्रेडिट एण्ड कमर्श एनसिसी र नेपाल इनड्रष्ट्रियल एण्ड कमर्शियल एनआइसी बैंकको पनि शुल्क कमिशन र छुट वापतको आम्दानी वढेको छ ।
साथै एभरेष्ट सिद्धार्थ हिमालयन बैंक अफ काठमाण्डौ विओके र सिटिजन्स् इनटरनेसनल बैंकको पनि त्यस्तो आम्दानी उल्लेख्य वढेको छ ।