बजारमा नक्कली नोट

बजारमा ठूला नोट अभाव भइरहेका बेला नक्कली नोट भेटिन थालेका छन् । केही समयदेखि ५ सय र एक हजार रुपैयाँका नक्कली नोट बजार भेटिइरहेका छन् ।

नक्कली नोट बनाउने गिरोहले यस्ता नोट बजारमा ल्याएको आशंका गरिए पनि प्रहरीले त्यस्तो गिरोहलाई पक्राउ गर्न सकेको छैन । हालै राजधानीको गल्फुटारमा पनि यस्तै नोट भेटिएका छन् ।
महाराजगन्ञ्जका एक कम्युनिकेसन सञ्चालकले नयाँ पत्रिकालाई ५ सय रुपैयाँको नक्कली नोट उपलब्ध गराएका छन् । उनका अनुसार, रातको समयमा ट्याक्सी ट्राइभरले फिर्ता दिँदा नक्कली नोट उनले भोलिपल्ट मात्र थाहा पाएका थिए ।

'ट्याक्सीले फिर्ता दिंदा राति थियो यादै भएन, भोलिपल्ट शंका लागी एभरेष्ट बैंकका कर्मचारीलाई देखाउँदा नक्कली भन्ने प्रमाणित भयो,' उनले भने । ख १९-७३९३२२ नम्बरको सो ५ सय रुपैयाँ नोट उनले नयाँ पत्रिकालाई फोनमार्फत जानकारी उपलब्ध गराएका हुन् ।

बैंक कर्मचारीलाई देखाउँदा सो नोट नक्कली नै भएको प्रमाणित भएको छ । बजारमा नक्कली नोट देखिन थालेपछि नेपाल राष्ट्र बैंकले बैंक कर्मचारी र सरोकारवालालाई जानकारी दिन अन्तर्त्रिया गर्ने गरेको छ । तर, अझै पनि नक्कली नोटबाट ग्राहक ठगिने क्रम भने रोकिएको छैन ।