मध्यपश्चिमका बैंकले लगानी गर्न सकेनन्

सशस्त्र द्वन्द्वबाट बढी प्रभावित मध्यपश्चिमका चार जिल्लामा बैंकहरुले लगानी गर्ने ठाउँ पाएका छैनन् ।सर्वसाधारणबाट संकलन गरिए जति निक्षेप लगानी हुन नकसेको बैंकले जनाएका छन् । मध्यपश्चिमका शहरी क्षेत्र मानिने नेपालगन्ज, बर्दिया, दाङ र सुर्खेतमा बैंकसँग ४ अर्व बचत लगानी हुन बाँकी छ ।सरकारी र निजीसहित १० वटा बैंक रहेको दाङमा ३ अर्ब १५ करोड निक्षेप भए पनि १ अर्व १४ करोड मात्र लगानी भएको छ । विभिन्न बैंकका १० वटा शाखाले १ अर्व १५ करोड निक्षेप संकलन गरेको सुर्खेतमा ४७ करोड लगानी गरेका छन् ।'बैंकहरुले जत्ति लगानी गर्नुपर्ने हो त्यत्ति गरेका छैनन्, नेपाल राष्ट्र बैंक, नेपालगन्जका अनुसन्धान अधिकृत वीरेन्द्रदत्त अवस्थीले भने- बैंकहरुले लगानी गरेको क्षेत्र पनि सुरक्षित छैन, धेरैले जग्गा, मोटरसाइकल, गाडी किनबेचमा लगानी गरेका छन् ।बैंकर्सहरुका अनुसार निक्षेपमध्ये कम्तिमा ७० प्रतिशत लगानी र ३० प्रतिशत हुँदा राम्रो मानिन्छ तर यहाँका बैंकले निक्षेपको ४० प्रतिशत पुँजी उपयोग नगरी पुँजीलाई 'होल्ड' गरेका छन् । बैंकले घर कर्जामा बढी पैसा दिएका छन् ।