तलवै १ करोड ७७ लाख

वित्तीय संस्थामा प्रमुख कार्यकारीको तलव कति हुनुपर्छ ? यसको कुनै मापदण्ड छैन। वाणिज्य बैंकका प्रमुख कार्यकारीले प्रतिमहिना ५ लाखदेखि १५ लाखसम्म तलव सुविधा लिने गरेका छन्। स्ट्याण्डर्ड चार्टर्ड बैंकका प्रमुखले वार्षिक १ करोड ७७ लाख ६५ हजार ९ सय ७० रुपैयाँ बुझ्छन् भने नेपाल इन्भेष्टमेन्ट बैंकका प्रमुखले बुझ्ने वार्षिक तलव १ करोड २८ लाख १० हजार छ। यसैगरी लक्ष्मी बैंकका प्रमुखले वार्षिक ९९ लाख ९० हजार, सिद्धार्थ बैंकका प्रमुखले ९४ लाख ४५ हजार ४ सय ८९, हिमालयन बैंकका प्रमुखले ८७ लाख ११ हजार ७ सय ७९ रुपैयाँ बुझ्छन्।
त्यसैगरी नबिल बैंकका प्रमुखले बुझ्ने यस्तो रकम ८० लाख छ भने एनआइसीका प्रमुखले बुझ्ने रकम ७८ लाख ६१ हजार, कुमारी बैंकका प्रमुखले बुझ्ने रकम ६७ लाख ७० हजार, बीओकेका प्रमुख ६० हजार, माछापुछ्रे बैंकका प्रमुखको ५१ लाख १२ हजार ८ सय, डिसिबीएलका प्रमुखको ५५ लाख ७९ हजार र सिटिजनका प्रमुखको ५२ लाख १५ हजार ५ सय ३२ रुपैयाँ छ।