एनआइसी–बैंक अफ एसिया मर्जर : असार १५ मा एउटै कारोबार

काठमाडौं, वैशाख ७
नेपाल राष्ट्र बैंकले एनआइसी बैंक र बैंक अफ एसिया नेपाललाई आपसमा  गाभिन अन्तिम स्विकृति दिएको छ। 'क' वर्गका दुवै वाणिज्य बैंकले गत असारमा गाभिन औपचारिक सम्झौता गरेका थिए।
तीन साताअघि अन्तिम स्वीकृति माग गर्दै आवेदन दिएका दुवै बैंकले लाई राष्ट्र बैंक सञ्चालक समितिले मर्जर स्विकृति दिएको हो। स्विकृतिसँगै दुवै बैंकले असार १५ गतेबाट एकिृत कारोबार थाल्ने छन्।
'असार १५ बाट एकिकृत कारोबार  सुरु गर्छौं,' मर्जर समितिका संयोजक राजेन्द्र अर्यालले शनिबार नागरिकसँग भने, 'चालु वर्षको वासलात एउटै हुने छ।' मर्जरपछि नयाँ बैंकको कारोबार एनआइसी एसिया बैंकको नामबाट हुने छ। दुवै बैंकले चैतमा साधारणसभा गरेर मर्जर प्रस्ताव अनुमोदन गरेका थिए।
एनआइसी बैंकको प्रति कित्ता सय र बैंक अफ एसियाको ५० रुपैयाँ मूल्यांकन गरि मर्जर गरिएको हो। बैंक अफ एसियामा दुई सेयर हुनेले नयाँ बैंकको एक सेयर पाउने छन्।
अहिले बैंक अफ एसियाको २ अर्ब र एनआइसीको १ अर्ब ३१ करोड रुपैयाँ चुक्ता पुँजी छ। बैंक अफ एसियाको २ अर्ब पुँजी १ अर्ब मात्र मूल्यांकन गरिएकाले नयाँ बैंकको चुक्ता पुँजी २ अर्ब ३१ करोड पुग्ने छ। बैंक अफ एसियाको वाँकी एक अर्ब जगेडा कोषमा सर्ने छ, जुन पैसा लाभांसका रुपमा सेयरधनीलाई वाँड्न सकिन्छ।
बैंक स्रोतका अनुसार, यसपालीको नाफा र बैंक अफ एसियाको पुँजी वितरण गरिने छ। 'आवश्यक जोखिम व्यवस्थापन गरेर आकर्षक लाभांस दिने छौं,' स्रोतले भन्यो। एनआइसीले  गत वर्षको नाफाबाट २५ प्रतिशत र बैंक अफ एसियाले ७ प्रतिशत नगद लाभांस दिएका थिए।
गाभिनुअघि  एनआईसी बैंकको प्रति कित्ता ४६८ रुपैया“ र बैंक अफ एशियाको २२८ रुपैया“का दरले कारोबार भएको थियो। बैंकले चुक्ता पुँजीको ५० प्रतिशतभन्दा कम लाभांस दिए बैंक अफ एसियाका लगानीकर्तालाई यो वर्ष नोक्सान हुने छ।
मर्जरपछि अधिकांस सञ्चालक एनआइसी बैंककै हुने छन्। प्रमुख कार्यकारी अधिकृतमा एनआइसीका शशिन जोशीले नै निरन्तरता पाउने छन्। बैंक अफ एसियाका कामु प्रमुख कार्यकारी अधिकृत लक्ष्मण रिसालले …सेकेन्ड मेन' को जिम्मेवारी पाउने छन्।
नयाँ बैंकमा एनआइसीका अध्यÔ जगदिशप्रसाद अग्रवालले नै निरन्तरता पाउने छन्। मर्जपछि दुवै बैंकको निÔेप ३६ अर्ब रुपैया“भन्दा बढी हुनेछ। अहिले एनआईसी बैंकस“ग २१ अर्ब र बैंक अफ एसियास“ग १५ अर्ब रुपैया“को निÔेप छ। दुवै बैंकले गरी करिव साढे २८ अर्बको कर्जा लगानी गरेका छन्। अहिले एनआईसीले साढे १५ अर्ब र बैंक अफ एसियाले १३ अर्व कर्जा लगानी गरेको छ।
मर्जरपछि नयाँ बैंकको शाखा सञ्जाल ६४ पुग्ने छ। यसमध्ये बैंक अफ एशियाको २८ र एनआईसीको ३६ वटा शाखा छन्। ६४ मध्ये दश स्थानमा दुवै बैंकको शाखा छ। एकै ठाउँमा भएका शाखालाई स्थानान्तरण गरिने छ।