सेयर धितोमा पैसै असुल्नुपर्ने

नेपाल राष्ट्र बैंकले बैंक तथा वित्त कम्पनीको सेयर प्रमाणपत्र धितो राखी प्रवाह भएको कर्जामा प्रमाणपत्र सकार गरी कर्जा असुल गर्न रोक लगाएको छ ।
केही संस्थाले ऋणीले ऋण नतिरेपछि सो ऋण लिँदा धितो राखेको प्रमाणपत्रलाई नै सकार गरी ऋण असुली देखाउने गरेको पाएपछि राष्ट्र बैंकले यस्तो निर्देशन दिएको हो ।

अब बैंक तथा वित्तीय संस्थाले ऋणीबाट नगद नै असुल्नुपर्ने वा सेयर बेचेर नगदमा परिणत गरे पछि मात्र ऋण असुली भएको मानिनेछ ।
यसअघि यसरी सकार गरिएका धितोपत्र यही असार २५ गतेभित्र बिक्री गरिसक्नुपर्ने निर्देशन राष्ट्र बैंकले दिएको छ । यदि सो अवधिभित्र बिक्री गर्न नसकेमा धितोपत्र सकार गरेको मूल्यबराबर रकमको सतप्रतिशत नोक्सानी व्यवस्था गर्नुपर्ने निर्देशन राष्ट्र बैंकले दिएको छ ।