समाचार आएपछि ट्याक्टर किसानलाई

कृषकहरुले नियमित रकम तिर्दातिर्दै लिलामीको प्रक्रियालाई अन्तिम चरणमा पुरयाएको बैकले अन्ततः ती ट्याक्टर किसानकै नाममा सारिदिन राजी भएको छ ।
नेपाल इन्डस्ट्रियल एण्ड कमर्सियल बैकले ऋण प्रवाह गरेको अटो साइन प्रालिले किसानले तिरेको रकम समयमै बैंकलाई नबुझाएका कारण लिलामीको सूचना जारी गरेकै बेला समाचार प्रकाशित भएपछि उक्त बैंकले सोझै किसानका नाममा ट्याक्टर नामसारी गरिदिन राजी भएको हो ।

यसअघि कृषकहरुले पटक पटक अटो साइन प्रालिका नाममा रहेका ट्याक्टर आफनो नाममा गरिदिन आग्रह गर्दै आए पनि बैंकले मानेको थिएन । अटोसाइन प्रालिका सञ्चालक पशुपति डिसीले केही ट्याक्टर धनीले नियमित किस्ता नतिरेको भन्दै किसानको पैसा बैंकमा नदिँदा कृषकहरु समस्यामा थिए । डेढ वर्षअघि ट्याक्टर खरिद गरेका किसानले अटो साइनलाई किस्ता तिर्दै आएका थिए ।

मंगलबार एनआइसी बैंकले यसअघि अटोसाइनलाई १० लाख बुझाएका जुम्लाका देवीबहादुर सेजुवाललाई र ७ लाख बुझाएका जुम्लाकै रत्नबहादुर हमाललाई ट्याक्टर नामसारी गरिदने बताएको छ । तर उनीहरुले बाँकी पैसाका लागि ट्याक्टरको अलवा जग्गा पनि धरौटी राखेका छन् । यसका लागि सेजुवाललाई बैकले हाललाई केही नगद र जग्गा धितो दिएका हुँदा अटोसाइनका नाममा रहेको ट्याक्टर नाम सार्ने सहमति भएको छ ।