चुनौतीपूर्ण हवाई व्यापार

प्रधानमन्त्री माधवकुमार नेपालले आगामी आर्थिक वर्षको बजेटले २०५१ मा एमालेको नौमहिने सरकारले अघि सारेको 'नौ स' अभियानलाई प्राथमिकता दिने बताएका छन् । नेपालको आर्थिक क्रान्तिका लागि अस्ट ज अभियानद्वारा बिहीबार राजधानीमा आयोजित कार्यक्रममा प्रधानमन्त्री नेपालले सो कुरा बताएका हुन् ।

आठ ज का अभियानकर्ताले नेपालको आर्थिक विकासका लागि सरकारले जल, जमिन, जराजुरी, जनावर, जडीबुटी, जंगल, जनशक्ति र जलवायु विकासलाई प्रथमिकता दिनुपर्ने बताउँदै आएका छन् । 'अहिले सबैतिर विदेशी सहायता र अनुदान भन्दै हिँड्ने प्रवृत्ति बिकास भएको छ । त्यसलाई कम गरी देशको विकास गर्न आगामी बजेटमा एमालेको नौमहिने कालमा अघि सारिएको नौ स अभियानलाई प्राथमिकता दिइनेछ,' प्रधानमन्त्रीले भने । उनले अनुकूल वातावरण निर्माण गर्न सके नेपालको विकासका लागि लगानी अभाव नहुने स्पष्ट पारे ।

प्रधानमन्त्री नेपालले हालेसम्म निर्माण भएका बजेटको समुचित उपयोग हुन नसकेको बताउँदै बजेट कार्यान्वयन गर्न सकिने क्षमताको बनाउनुपर्नेमा जोड दिए । उनले सानातिना विषयलाई लिएर गरिने बन्द, हडतालका कारण अर्थतन्त्र नकारात्मक दिशातिर बढेकाले सबैलाई सकारात्मक सोच राखी अघि बढ्न आग्रह गरे ।