चिलिमेको सेयर बिक्री खुलेन

चिलिमे जलविद्युत् आयोजनाको सेयर बिक्री रोक्ने अदालतको अन्तरिम आदेशले निरन्तरता पाएको छ। सोमबार प्रधान न्यायाधीश मीनबहादुर रायमाझी र कल्याण श्रेष्ठको इजलासले पहिलेको आदेशलाई निरन्तरता दिएको हो।
आयोजनाले सेयर बिक्री गर्ने जानकारी गराएपछि स्थानीय उपभोक्ता समितिले आफूहरुसँग भएको सम्झौता पालना नगरेको भन्दै बिक्री रोक्न अदालतसमक्ष पुगेका थिए।
स्थानीयले आफूहरुलाई आयोजनाले ८ प्रतिशत सेयर दिने सम्झौता गरेको तर दिने बेलामा ५ प्रतिशत दिने निर्णय गरेकाले सम्झौता पालना नहुन्जेलका लागि सेयर बिक्री रोक्न रिट हालेका थिए।