कृषि बैंकले ९६ करोडको सेयर बेच्ने

सेयरमा लगानी गर्न इच्छुकका लागि अर्को अवसर आउने भएको छ। कृषि विकास बैंकले ९६ करोड रुपैयाँ बराबरको सेयर सर्वसाधारणलाई बिक्री गर्ने तयारी सुरु गरेको छ।
९६ लाख कित्ता सेयर सर्वसाधारणलाई बिक्री गर्न बैंकले बिहीबार धितोपत्र बोर्डमा निवेदन दिएको छ। निवेदन हेरेर विवरणपत्रमा सुधार गर्नुपर्ने भए निर्देशन दिन्छौं- बोर्डका निर्देशक निरज गिरीले भने।
बैंकले सर्वसाधारणलाई बिक्री गर्न लागेको यो सेयर अहिलेसम्मकै सबभन्दा ठूलो रकमको हो।