समुन्द्रपार निकासी गर्नेले विदेशी मुद्रा साट्न पाउने

नागरिक संवाददाता
काठमाडौं पुस १
नेपाल समुन्द्रपार निकासी पैठारी संघमा आवद्ध कम्पनी तथा फर्मले अमेरिकी डलर सटही सुविधा पाउने भएका छन् । उनीहरुले वढीमा १० हजार अमेरिकी डलरसम्म मुद्रा सटही पाउने व्यवस्था राष्ट्र बैंकले गरेको हो ।
यो व्यवस्थाअघि संघमा आवद्ध कम्पनीका अधिकारीले सर्वसाधारण सरह विदेशी मुद्रा सटही गर्न पाउँथे ।
संघसँग आवद्ध कम्पनीले सटही सुविधा माग गरेको अघिल्लो आर्थिक बर्षमा तिरेको आयकरको आधारमा वढीमा १० हजार डलर सटही सुविधा पाउने राष्ट्र बैंकले जनाएको छ । १० लाख रुपैयाँ ५ लाख रुपैयाँ र २ लाख ५० हजार रुपैयाँ आयकर तिरेको आधारमा क्रमशः क ख र ग वर्गमा वर्गिकरण गरी वाणिज्य तथा विकास बैंकले कम्पनीको एक जनालाई मात्र सटही सुविधा उपलब्ध गराउन पाउने छन् ।
राष्ट्र बैंकका अनुसार १० लाख रुपैयाँ आयकर तिर्नेले १० हजार डलर ५ लाख रुपैयाँ तिर्नेले ७ हजार डलर र २ लाख ५० हजार रुपैयाँ तिर्नेले ५ हजार डलर वरावरको सटही सुविधा पाउने छन् ।
यस्तो सुविधा प्राइभेट फर्मको हकमा प्रोपाइटर साझेदार फर्मको हकमा साझेदार र कम्पनीको हकमा साचालक र प्रवन्ध साचालकले विदेशी मुद्रा साट्न पाउने राष्ट्र बैंकका एक अधिकारीले बताए । सटहीका लागि सम्वन्धित कम्पनी तथा फर्मको दर्ता आयकर दर्ता र कर रकम तिरेको वा करको विवरण वाणिज्य तथा विकास बैंकमा पेस गरेको हुनु पर्नेछ ।
सटही सुविधा क्रेडिट कार्ड ट्राभलस्र चेक वा नगदको माध्यमबाट बैंकहरुले उपलब्ध गराउन सक्ने छन् । यो सुविधा भ्रमणमा जाने निष्चित भएको हवाइ टिकट र भिसाको आधारमा मात्र बैंकहरुले सम्वन्धित व्यक्तिलाई उपलब्ध गराउने सक्ने केन्द्रिय बैंकले जनाएको छ । यो सुविधा अन्तर्गत प्रदान गरिएको सटही सुविधाको विवरण मुद्रा साटिएको महिनाको १५ भित्र राष्ट्र बैंकमा वुझाउनु पर्ने व्यवस्था गरिएको छ ।
विदेशी मुद्रा सटहीको अधिकार वाणिज्य बैंक र राष्ट्रिय स्तरको विकास बैंकले मात्र पाएको छ । ुयो सुविधापछि संघमा आवद्ध कम्पनी तथा संस्थाका अधिकारीलाई विदेश भ्रमणमा सजिलो हुनेछु राष्ट्र बैंकका एक अधिकारीले बताए ।