निजी क्षेत्रमा जाने कर्जा २९ प्रतिशतले बढ्यो

सुदर्शन सापकोटा
काठमाडौं पुस ७
वाणिज्य बैंकहरुले निजी क्षेत्रलाई दिने कर्जा २९ प्रतिशतले वढेको छ । प्रतितपत्र एलसी आयात-निर्यात व्यापारिक साना-तथा मझौला उद्योग भौतिक पुर्वाधारकलगायतका क्षेत्रमा कर्जा लगानी वढेको हो । गत बर्ष यस्तो कर्जा ३४ प्रतिशतले वढेको थियो ।
निजी क्षेत्रमा कर्जा प्रवाह वढ्दा रोजगारी वृद्धिका साथै सरकारी राजस्व वढ्छु-डिसिबिएल बैंकका प्रमुख कार्यकारी सुधिर खत्रीले भने ।
चालु आर्थिक बर्षको पहिलो तीन महिनामा निजी क्षेत्रमा ४ खर्व १२ अर्ब रुपैयाँ बैंकले कर्जा लगानी गरेका छन् । गत बर्षको यसै अवधिमा यो कर्जा ३ खर्व १८ अर्ब रुपैयाँ लगानी भएको थियो । यो अवधिमा स्टान्डर्ड चार्टर्ड बैंक नेपाल नेपाल बंगलादेश एनबी र लुम्विनी बैंकको कर्जा घटेको छ ।
निजी क्षेत्रमा जाने कर्जा भनेको वित्तीय संस्था र गैरवित्तीय सकारी संस्थामा जाने वाहेकको कर्जा हो । यो कर्जा बढ्दा देशमा पुर्वाधार निर्माण आर्थिक विकास साना तथा मझौला उद्योग र व्यवशायीकरण वढेको भन्ने वुझिने उनले बताए ।
निजी क्षेत्रमा जाने कर्जा बढ्दा रोजगारी बढेर सर्बसाधारणको आयमा वृद्धि हुन्छ-खत्रीले भने -देशको आर्थिक उन्नतीका लागि निजी क्षेत्रमा जाने कर्जा बढ्नु राम्रो हो ।
उनले निजी क्षेत्रमा गएको कर्जा उत्पादनमूलक र अनुत्पादक दुवै क्षेत्रमा गएको हुनसक्ने बताए । कम्पनीको क्षमता विस्तारमा पनि यो कर्जा गएको हुनसक्छ ।
यो अवधिमा समग्र अर्थतन्त्रमा खास सुधार नभएपनि केही निष्चित क्षेत्रमा आर्थिक गतिविधि बढेकाले निजी क्षेत्रमा जाने कर्जा वढेको हो । घरजग्गा तथा निर्माण क्षेत्र बिस्तार भएको तथा आयात-निर्यातमा कर्जाको माग वढेको एक बैंकरले बताए । उनका अनुसार निर्यातमा भन्दा आयातमा कर्जा बढेको छ । निजी क्षेत्रमा जाने कर्जाले सँधै फाइदा मात्र नगर्ने एक बैंकरले बताए ।
निजी क्षेत्रमा गएको कर्जाले उपभोग वढाउँछ-उनले भने -यसले मूल्य वृद्धिमा पनि असर पार्छ ।
उनका अनुसार राष्ट्र बैंकले घरजग्गा कर्जामा कडाइ गरेपछि पुस मसान्त दोस्रो त्रैमासिक सम्मको वासलात व्यालेन्स सिट मा बैंकको निजी क्षेत्रमा जाने कर्जा घट्ने छ । अहिले बैंकले १ खर्ब १४ अर्ब रुपैयाँ घरजग्गामा लगानी गरेका छन् ।
घरजग्गामा सीमा तोकिएकाले निजी क्षेत्रमा जाने कर्जा कम हुन्छ-उनले भने -यसले बैंकको नाफामा पनि असर पार्छ ।
रकमका हिसावले सबैभन्दा वढी कर्जा नेपाल इन्भेष्टमेन्ट कृषि विकास बैंक नविल राष्ट्रिय वाणिज्य र हिमालयन बैंकले निजी क्षेत्रलाई दिएका छन् । यस्तै सबैभन्दा कम कर्जा एनएमबी नेपाल इन्डष्ट्रियल एण्ड कमसर्ियल एनआइसी डिसिबिएल नेपाल क्रेडिट एण्ड कमस्र एनसिसी र नेपाल बंगलादेश बैंकले गरेका छन् । भर्खरै फाइनान्स कम्पनीबाट वाणिज्य बैंकमा स्तरोन्नति गरेको किष्ट बैंकले तीन महिनामा ८ अर्ब ७७ करोड रुपैयाँ निजी क्षेत्रमा कर्जा प्रवाह गरेको छ ।
प्रतिशतका हिसावले बैंक अफ एसिया नेपाल एनएमबी सनराइज प्राइम र डिसिबिएल बैंकको कर्जा वढेको छ । अघिल्लो बर्षको असोज मसान्तको तुलनामा यी बैंकको लगानी वढेको हो ।



निजी क्षेत्रमा गएको बैंक कर्जा
र. लाखमा
बैंक ०६६/६७ ०६५/६६
असोज
इन्भेष्टमेन्ट ३७७५२३ ३०१७४६
कृषि विकास ३७४१३२ ३४४८१९
नविल ३०२५५० २३७०९५
राष्ट्रिय वाणिज्य २८३२९३ २५५२७६
हिमालयन २६९०९९ २०८१९१
एभरेष्ट २३१८०१ १८६०९२
नेपाल बैंक १९६८२३ १५३८६०
एसबिआइ १५६२५४ १३०९५३
सिद्धार्थ १४९७८६ ११४४२१
बिओके १४९५८९ १३०३६९
लक्ष्मी १४८०२१ १०२६८८
कुमारी १४५२५६ १२२१८९
माछापुच्छे्र १४१२९१ ९२४४३
लुम्विनी १३८०५१ ११४९९६
स्टान्डर्ड चार्टर्ड १३०२५४ १३४९९०
प्राइम ११९५६५ ६९२८२
सनराइज १०८७३३ ५४२५४
ग्लोवल ९६२६७ ६३३७४
सिटिजन्स ९२९३० ६२८९६
बैंक अफ एसिया ९१८५९ ३९००८
किष्ट ८७७७८ -
बंगलादेश ८५११४ ८५९७३
एनसिसी ७४३३९ ५४६७२
डिसिबिएल ६९१३० ४५०४२
एनआइसी ५४६३६ ५५६५०
एनएमबी ५२९१७ २६१८८