बैंकमा लकर सुविधा

सुदर्शन सापकोटा
काठमाडौं पुस ८
लकर सेवा साचालन गरिरहेका अधिकांस वाणिज्य बैंकमा तपाई गहना तथा कागजपत्र राख्न जानु भयो भने खाली छैन भन्ने उत्तर पाउनु हुन्छ । लकरप्रति सर्वसाधारणको आकर्षण वढी भएकाले प्राय बैंकको लकर भरिएको हो । सुरक्षाका लागि बैंकमा लकर खोली आफूसँग भएको गहनालगायत सम्पति तथा कागजपत्र त्यसमा राख्ने गरिन्छ । नेपालमा वाणिज्य बैंकले मात्र लकर सेवा साचालन गर्न पाउँछन् ।
कुनै वेला सम्पन्न वर्गले लकर खोल्ने भएपनि वढ्दो असुरक्षाले गर्दा लकर खोल्नका लागि साधारण वर्ग पनि यसतर्फ आकर्षित भएको बैंक अफ एसिया लकर विभागकी अधिकृत सोफी पौडेलले जानकारी दिइन् ।
सबै खाले वर्गका मानिसले अचेल लकर खोल्न थालेका छन्-उनले नागरिकसँग भनिन् । उनको बैंकमा रहेको १ सय ३४ वटा लकरमध्ये २० वटा मात्र खाली छ ।
यो पनि चाँडै सिद्धिन्छ-उनले भनिन् ।
अधिकांसले लामो अवधिका लागि लकर सुविधा लिने गरेका छन् । यो सुविधा लिनका लागि सम्वन्धित बैंकमा बचत खाता हुन अनिवार्य रहेको उनले बताइन् । बैंक अफ काठमाडौं एभरेष्ट हिमालयन ग्लोवल कुमारी माछापुच्छे्र लगायत एक दर्जन वढी बैंकमा अहिले लकर खाली छैन ।
हामीसँग अहिले लकर खाली छैनु बैंक अफ काठमाडौंकी लकर अधिकृतले भनिन् । यो बैंकमा १ सय ६२ वटा लकर छ । डिसिबिएल बैंकले भने यो सेवा दिएको छैन ।
घरमा सम्पति थुपारेर राख्नुभन्दा लकरमा राख्दा सुरक्षा हुन्छ भनेर लकर खोल्नेको संख्या वढेको होु-एक बैंकका प्रमुख कार्यकारीले भने ।
उनका अनुसार अशान्ति र असुरक्षाले गर्दा मानिसहरु बैंकको लकरमा सम्पति तथा गोप्य कागजात राख्न थालेका हुन् ।
पहिलेजस्तो अहिले बैंकमा लकर खोल्न भने सजिलो छैन । लकरका लागि बचत खाताका साथै छ महिनासम्मको बैंकिङ कारोवार गरेको हुनु पर्ने छ । यसपछि खाली भएमा मात्र लकर सुविधा पाइने छ । लकर खोल्नका लागि बैंकअनुसार न्युनतम ५ हजारदेखि ६० हजार रुपैयाँसम्म आफ्नो बचत खातामा हुनु पर्छ । लकरको आकार अनुसार यसको बार्षिक शुल्क पनि बैंकपिच्छे फरक छ ।
लकर सेवा साचालन गरिरहेका बैंकमध्ये कुमारी माछापुच्छे्र र किष्ट बैंकको महंगो छ । सस्तोमा बैंक अफ एसिया नेपाल बैंक अफ काठमाडौं सिटिजन्स बैंक इन्टरनेसनल र एभरेष्ट बैंकको छ ।
केही बैंकले नियमित कारोवार गर्ने ग्राहकलाई मात्र लकर सुविधा उपलब्ध गराएका छन् । स्टान्डर्ड चार्टर्ड नविल हिमालयन नेपाल इन्भेष्टमेन्टलगायत केही बैंकले नियमित ग्राहकलाई मात्र यस्तो सुविधा दिने गरेका हुन् ।
लकर सेवा सुरु गरेपछि ग्राहकरले त्यसको एउटा साँचो र बैंकले अर्को साँचो राख्छ । लकर ग्राहक र बैंकको साँचो संयुक्त रुपमा प्रयोग गरेपछि खुल्दछ ।
साँचो खोल्देपछि ग्राहकलाई एक्ले छाड्दिने गरेका छौं-पौडेलले भनिन् ।


बैंक अफ एसिया नेपाल
लकरको आकार अनुसार बार्षिक १५ सयदेखि ७ हजारसम्म शुल्क
बैंकको बचत खातामा न्युनतम ५ हजार रुपैयाँ हुनु पर्ने


बैंक अफ काठमाडौं
लकरको आकार अनुसार बार्षिक १ हजारदेखि २५ सय शुल्क लाग्ने
बैंकको बचत खातामा न्युनतम २५ हजार रुपैयाँ हुनु पर्ने


सिटिजन्स बैंक इन्टरनेसनल
साइज अनुसार बार्षिक १५ सयदेखि ७ हजारसम्म वुझाउनु पर्छ
१० देखि २५ हजारसम्म खातामा हुनु पर्छ


एभरेष्ट बैंक
साइज अनुसार बार्षिक १५ सयदेखि ३५ सयसम्म शुल्क लाग्ने
२५ हाजर रुपैयाँ बचत हुनु पर्ने

हिमालयन बैंक
३ देखि ६ महिनाको लकरका लागि बार्षिक शुल्कको ५० प्रतिशत
६ महिनादेखि १ बर्षको लागि बार्षिक शुल्कको ७५ प्रतिशत
लकरको साइज अनुसार १५ सयदेखि ६ हजारसम्म शुल्क
१० देखि ४० हजारसम्म बचत अनिवार्य

ग्लोव बैंक
बार्षिक शुल्क २ हजारदेखि ६ हजारसम्म
न्युनतम १० हाजर बचत अनिवार्य


किष्ट बैंक
बार्षिक शुल्क १५ सयदेखि १२ हजारसम्म
न्यनतम १२ हजार ५ सय बचत आवश्यक


कुमारी बैंक
बार्षिक शुल्क २ हजारदेखि ७५ सय
न्युनतम ७ हजार ५ सयदेखि ६० हजारसम्म बचत अनिवार्य


म्ाछापुच्छे्र बैंक
बार्षिक १५ सयदेखि १२ हजारसम्म शुल्क लाग्ने
न्युनतम ७५ सयदेखि ५० हजारसम्म बचत अनिवार्य