घर भाँडा सर्वेक्षण सुरु

नागरिक संवाददाता
काठमाडौं पुस १९
राष्ट्र बैंकले घर भाँडा सर्वेक्षण शुक्रवारबाट सुरु गरेको छ । उपभोक्ताले तिर्ने घर भाँडाले समग्र मुल्य वृद्धिमा कति असर पर्छ भन्ने उद्देश्यले सर्वेक्षण सुरु गरिएको हो ।
२०६२/६३ लाई आधार बर्ष मनी सम्पन्न भएको चौथो पारिवारिक वजेट सर्वेक्षणले सिफारिस गरिएको वस्तु तथा सेवाको आधारमा नयाँ वस्तुको डालो तयार गर्ने उद्देश्यले घर भाँडा सर्वेक्षण सुरु गरिएको हो-राष्ट्र बैंकका उपनिर्देशक तथा यो सर्वेक्षणका परियोजना प्रमुख गोपालप्रसाद भट्टले भने ।
राष्ट्र बैंकले २०१३ सालदेखि विभिन्न वस्तु तथा सेवाको मुल्य संकलन मुल्य सुचकांक निर्माण तथा मुद्रस्फीति मापन गर्दै आएको छ । साथै आर्थिक बर्ष २०३०÷३१ म्ा पहिलो पारिवारिक बजेट सर्वेक्षण गरी त्यसैको आधारमा केन्द्रीय बैंकले उपभोक्ता मुल्य सुचकांक तयार गरी मुद्रस्फीति मापन गर्दै आएको छ ।
केन्द्रिय बैंकले संकलन गरेको घरभाँडा सम्वन्धि सुचनालगायत अन्य जानकारी सुचकांक निर्माणका लागि मात्र प्रयोग गरिन बताउँदै उनले यसलाई गोप्य राखिने जानकारी दिए । यो पारिवारिक बजेट सर्वेक्षणको एक अंश हो । राष्ट्र बैंकले प्रत्येक १० बर्षमा उपभोक्ताको परिवर्तित खर्च प्रवृतिलाई समेट्ने उद्देश्यले यस्तो सर्वेक्षण गर्ने गरेको छ । राष्ट्र बैंकले व्राण्ड तथा आउटलेट र वस्तुको सर्वेक्षण गरिसकेको छ ।
राष्ट्र बैंकले आफ्ना ३३ वटा बजार केन्द्रबाट घर भाँडा सर्वेक्षण सुरु गर्ने छ । विभिन्न चरणमा गरिने सर्वेक्षण पहिलो चरणमा पूर्वााचलबाट सुरु गरेको छ । राष्ट्र बैंकले पहिले २१ बजार केन्द्रबाट सर्वेक्षण गर्थियो । ३३ मध्ये २० शहर र १३ ग्रामिण क्षेत्रमा बजार केन्द्र रहेको राष्ट्र बैंकले जनाएको छ ।
आगामी फागुनसम्म तथ्यांक संकलन गरिसक्ने भट्टले बताए । उनले चैतभित्र सर्वेक्षण सार्वजनिक गर्ने जानकारी दिए ।
अहिले तथ्यांक संकलन गरिएका घरबाट नै भविस्यमा पनि तथ्यांक संकलन गरिने केन्द्रीय बैंकले जनाएको छ । यसले वास्तविक तथ्यांक वाहिर ल्याउन सहयोग पुग्ने उनले बताए । विशेष गरी घर भाँडामा वस्नेहरुसँग यस्तो तथ्यांक संकलन गरिने छ । यसपालीको घर भाँडा दर र आगामी बर्षको दर तुलना गरी कतिले भाँडामा वृद्धि वा कमी भयो भनेर मुल्य वृद्धि निकालिने छ । यसले गर्दा घर भाँडाले मुद्रास्फीतिमा कति प्रतिशतले असर पार् यो भनेर देखाउँछ ।