पुँजी बजार सम्वन्धि तथ्यांक बैंक सुरु भयो

नागरिक संवाददाता
काठमाडौं पुस २६
धितोपत्र वोर्डले सेयर बजार सम्वन्धि सम्पुर्ण तथ्यांक सर्वसाधारणसम्म पुर् याउने उद्देश्यले विकास गरेको धितोपत्र तथ्यांक व्यवस्थापन प्रणाली एसडीएमएस आइतबारबाट साचालनमा आएको छ । यसमा पुँजी बजार सम्वन्धि तथ्यांकका साथै साधारण वोनस निस्कासन तथा हकप्रद सेयरलगायत सम्वन्धित कम्पनीको बारेमा जानकारी राखिएको छ । यो अनलाइन वेभ प्रणाली हो ।

ुयसलाई केन्द्रिय धितोपत्र तथ्यांक बैंकका रुपमा विकास गरिएको छु यो प्रणालीका संयोजक नवराज अधिकारीले नागरिकसँग भने । व्यवस्थित सुचना प्रणालीको अभावबाट समस्या भोगिरहेका सेयर लगालनीकर्तालाई यसबाट फाइदा हुने छ । एकै ठाउँमा पुँजी बजार सम्वन्धि तथ्यांक तथा जानकारी हुने भएकाले लगानीकर्ता आफैले सम्वन्धित कम्पनीका बारेमा विश्लेषण गरेर राय बनाउन सक्छन् ।

अनलाइनमा आधारित सुचना बैंक भएकाले घरमै बसेर आफ्नो सेयर भएको कम्पनीको बारेमा विश्लेषण गर्न यसले सहयोग पुर् याउने वोर्डले जनाएको छ । यसो हुँदा सर्वसाधारणलाई पुँजी बजार सम्वन्धि जानकारीले बजार विस्तारमा थप सहयोग पुग्दछ ।

यो प्रणाली विकासका लागि विश्व बैंकले आर्थिक सहयोग गरेको हो । बैंकले १ करोड ११ लाख ५० हजार रुपैयाँ सहयोग गरेको थियो । प्रणाली विकास गर्दा बचत भएको ९ लाख रुपैयाँ विश्व बैंकलाई नै फिर्ता गरिएको वोर्डले जनाएको छ ।