विकास बैंकको पनि नाफा वढ्यो

नागरिक संवाददाता
काठमाडौं पुस १२
पछिल्लो अवधिमा विकास बैंकहरुमध्ये १० ले मात्र १ करोडभन्दा माथि नाफा कमाएका छन् । साचालनमा रहेका ७८ बैंकको समग्र नाफा ९९ प्रतिशतले वढेको छ ।
यो बर्षको पहिलो तीन महिनामा सबैभन्दा वढी नाफा भृकुटी विकास बैंकले कमाएको छ । बैंकको नाफा अघिल्लो बर्षको यसै अवधिको तुलनामा १३८ प्रतिशतले वृद्धि भएर २ करोड ५७ लाख ९० हजार रुपैयाँ पुगेको छ ।
एक करोडभन्दा माथि नाफा गर्नेमा स्वाभलम्वि विकास डिप्रोक्स डेभलपमेन्ट गोर्खा डेभलपमेन्ट सानिमा नारायणी सिद्धार्थ अन्नपूर्ण विजनेस र वागेश्वरी विकास बैंक छन् । यी बैंकको नाफा ३ सय प्रतिशतसम्मले वढेको छ ।
प्रतिस्पर्धाले लगानीको क्षेत्र विस्तार भइ बैंक गाउँ गाउँ पुगेकाले नाफा बढेको हो । बैंकरका अनुसार गत बर्ष पुर्वाधार तथा घरजग्गामा लगानी वढेर नाफा वढी भएको हो । बैंक तथा वित्तीय संस्थाले पछिल्लो अवधिमा अर्थतन्त्रको १२ प्रतिशत घरजग्गामा लगानी गरेका छन् ।
नाफा वढे पनि अधिकांस विकास बैंकले सेयरधनीलाई कमाइ दिने प्रति सेयर आम्दानी भने वढ्न सकेको छैन । वढी नाफा कमाएको भृकुटीले लगानीकर्ताका लागि एक सेयर वरावर ४३ रुपैयाँभन्दा माथि आम्दानीमा योगदान पुर् याएको छ ।
प्रतिशतका हिसावले सबैभन्दा वढी नाफा अन्नपुर्ण विकास बैंकले कमाएको छ । बैंकको नाफा करिव ७ सय प्रतिशतले वढेको छ । रकमका हिसावले भने बैंकले १ करोड २४ लाख रुपैयाँ मात्र कमाएको छ ।
नाफासँगै सेयरधनीलाई प्रतिसेयर आम्दानी डिप्रोक्स डेभलपमेन्ट बैंकले कमाइ दिएको छ । बैंकले १ सय ६ प्रतिशत वढी आम्दानी गरिदिएको हो । नाफा कमाएका अन्य बैंकको मूल्य आम्दानी अनुपात ४५ प्रतिशतभन्दा कम छ । सबैभन्दा कम इन्प्रुास्टक्चर बैंकको शुन्य दशमलव ५३ प्रतिशत छ । बैंकको नाफा भने २८ प्रतिशतले वढेको छ ।
तीन महिनाको अवधिमा तीन विकास बैंकको नाफा भने घटेको छ । क्लिन इनर्जी डेभलपमेन्मट एक्सल र निर्धन उत्थान विकास बैंकको नाफा घटेको हो । यी बैंकको प्रति सेयर आम्दानी क्रमशः ६ दशमलव ५४ १४ दशमलव १५ र २३ दशमलव ५२ छ । नाफा कमाएका बैंकको तुलनामा यी बैंकको प्रतिसेयर आम्दानी भने वढी हो ।

विकास बैंक असोजसम्मको नाफा रु करोडमा
भृकुटी २.५७
स्वभलम्वन २.३६
डिप्रोक्स २.१८
गोर्खा १.९५
सानिमा १.७९
नारायणी १.५२
सिद्धार्थ १.२९
अन्नपूर्ण १.२४
विजनेस १.०८
वागेश्वरी १.०७