नयाँ बैंकमा रोजगारी माग

नागरिक संवाददाता
काठमाडौं पुस २६
हातमा सर्टिफिकेट बोकेर जागिरको खोजी गरिरहनु भएको छ भने केही बैंक तथा बिमा कम्पनीले तपाईलाई ुकरियरु बनाउने मौका दिँदै छन् । साचालनको तयारीमा रहेका मेगा सिभिल कमस्र एण्ड ट्रस्ट बैंकले चाँडै कर्मचारीको माग गर्दैछन् । जनता बैंकले रोजगारीका लागि आवेदन माग गरिसकेको छ ।
लाइफ इन्स्योरेन्स कर्पोरेसन र ज्योति विकास बैंकले पनि कर्मचारी माग गरेका छन् । यी कम्पनी साचालनमा छन् । ज्योति विद्युत प्राधिकरणका वहालवाला र पूर्वकर्मचारीले खोलेको बैंक हो । कर्पोरेसन भारतीय बिमा कम्पनीको सहायक कम्पनी हो ।
बैंक तथा वित्तीय संस्था थपिने क्रमसँगंंै कर्मचारीको माग बढेको हो । कम्तिमा व्यवस्थापनमा स्नातक गरेकालाई लक्षित गर्दै यी कम्पनीहरुले आवेदन माग गर्ने गरेका छन् ।
साचालनको तयारीमा रहेका तीन बैंकले पहिलो चरणमा स्नातक गरेका सय जना कर्मचारी माग गर्ने भएका हुन् ।
२० देखि ३० जनालाई पहिलो चरणमा रोजगारी दिने छौं- मेगा बैंकका प्रमुख कार्यकारी अधिकृत अनिल शाहले भने -र शाखा विस्तारसँगै कर्मचारी थप्दै लैजान्छौं ।
उनको बैंकले साचालनमा आएको एक बर्षभित्र ६ शाखा विस्तार गर्ने जनाएको छ । बैंक एक महिनापछि साचालनमा आउने अनिलले बताए ।
लाइफ इन्स्योरेन्स कर्पोरेसनले १२ जना कार्यालय सहायकका लागि आवेदन माग गरेको छ । कम्पनीले स्नातक तहमा ५० प्रतिशत अंक ल्याएकालाई जागिर ुअफरु गरेको हो । ज्योति विकास बैंकले पनि कनिस्ट अधिकृत अधिकृत र वरिष्ठ अधिकृतका लागि आवेदन माग गरेको छ । स्नातक गरेर तीन बर्ष बैंकिङ क्षेत्रमा काम गरेकालाई बैंकले आवेदन माग गरेको हो ।
केही बैंकले कुनै समयमा आवेदन माग गरेर जागिरमा छनौट नभएकालाई शाखा विस्तारसँगै जागिर दिने गरेका छन् ।
छनौंटमा नपरेका पुरानो आवेदनकर्तालाई आवश्यक परेका बेलामा वोलाएर जागिर दिने गरेका छौं- एक बैंकका प्रमुख कार्यकारी अधिकृतले भने ।
साचालनमा रहेका बैंक तथा वित्तीय कम्पनीले शाखा विस्तारसँगै पत्रिकामा विज्ञापन गरेर कर्मचारी माग गर्ने गरेका छन् । भर्खरै मात्र सिद्धार्थ बैंक अफ काठमाडौं एनएमबी सनराइज बैंकले कर्मचारी माग गरेका थिए । किष्ट बैंकले पनि आवेदन माग गरेको थियो । केही बैंकले पत्रिकामा आवेदन माग नगरे पनि आफ्नो वेभ साइटमा इच्छुकलाई आफुले काम गर्न चाहेको तह तलवलगायतका विवरण समावेश भएको व्यक्तिगत विवरण पठाउन आग्रह गरेका छन् । एनआइसी लक्ष्मी बैंक अफ एसिया नेपाल बैंक अफ काठमाडौंलगायत बैंकको वेभ साइटमा यस्तो विवरण माग गरेका छन् ।
सिल्क सेभिङ एण्ड क्रेडिट कोअपरेटिभले पनि दुई लेखापाल र २० बजार प्रतिनिधिका लागि आवेदन माग गरेको छ । कम्पनीले दुई महिलाका लागि टेलरमा आवेदन माग गरेको छ ।
सिभिल र कमस्र एण्ड ट्रस्ट बैंकले पनि ५० कर्मचारी थप्दैछन् । यी बैंक तीन महिनाभित्र साचालनमा आउने छन् । यसवाहेक राष्ट्र बैंकबाट थप पाँच बैंक साचालन अनुमति माग गरेर बसेका छन् । केन्द्रिय बैंकले स्वीकृति दिएपछि यी बैंकमा पनि रोजगारी माग हुने छ ।