तीन वित्तीय संस्थालाई मर्जर स्वीकृति

काठमाडौं, कात्तिक २१
राष्ट्र बैंकले राष्ट्रिय स्तरका तीन वित्तीय संस्थालाई आपसमा गाभिन मंगलबार अन्तिम स्वीकृति दिएको छ। एल्पिक एभरेष्ट फाइनान्स, वुटवल फाइनान्स र सिएमबी फाइनान्स कम्पनीलाई गाभिएर कारोबार गर्न स्वीकृति दिएको हो।
…गाभिने अन्तिम स्वीकृति दिएका छौं,' राष्ट्र बैंकका प्रवक्ता भास्करमणी ज्ञवालीले मंगलबार नागरिकसँग भने, …कम्पनीले चाँडै एकिकृत कारोबार गर्ने छन्।'
औपचारिक रुपमा गाभिएपछि तीन संस्थाले सिनर्जी फाइनान्स कम्पनीका रुपमा संयुक्त कारोबार गर्ने छन्। गाभिएपछि नयाँ कम्पनीको पुँजी ४७ करोड ४४ लाख रुपैयाँ पुगेको छ। नयाँ कम्पनीको प्रमुख कार्यकारी अधिकृत टुङ्गो लागेपनि अध्यक्ष को हुने निस्चित भइसकेको छैन। प्रमुख कार्यकारीका रुपमा सिएमबीका राजेन्द्रमान शाक्यले निरन्तरता पाउने छन्।
'चाँडै तीनै कम्पनीको सञ्चालक समिति विघठन गरेर तदर्थ संयुक्त समिति बनउँछौं,' शाक्यले भने, 'त्यसपछि नयाँ सञ्चालक समितिले अध्यक्ष चयन गर्ने छ।'
तीन वटा कम्पनी फरक फरक सेयर अनुपातमा मर्ज भएका हुन्। राष्ट्र बैंकका अनुसार, सिएमबी फाइनान्सको एक सय रुपैयाँको सेयरलाई ८८ मूल्यांकन गरिएको छ। एल्पिक एभरेष्टको सेयरलाई १ सय १० रुपैयाँ र वुटलवको १ सय २० रुपैयाँ मूल्याङकन गरिएको छ। कम्पनीले यो अनुपात सम्पूर्ण सम्पति तथा लायित्वको मूल्यांकनपछि तयार पारेको हो।
मर्जरसँगै नयाँ कम्पनीको कर्मचारी संख्या १ सय ५० पुगेको छ। तीन वटै कम्पनीका कर्मचारीलाई अहिले भएकै तलव र तह दिइने छ। …चाँडै तलव नघट्ने गरी समान तलव बनाउँछौं,' उनले भने, 'यसले कर्मचारीहरुको तलव अझ वढ्ने छ।'
नयाँ कम्पनीको शाखा सञ्जाल १४ पुगेको छ। कम्पनीले चार वटा नयाँ शाखा थप्ने योजना बनाएको छ। तीन वटै कम्पनीको गरेर निक्षेप २ अर्ब पुग्ने छ। ऋण ल गानी २ अर्ब २५ करोड हुने छ। 'मर्जरसँगै हाम्रो वित्तीय अवस्था अझ सुदृढ र मजवुत हुने छ,' शाक्यले भने, …दोस्रो चरणमा हामी विकास बैंकमा स्तरोन्नतितर्फ लाग्ने छौं।'
विकास बैंक बन्न पुँजी नपुगेकाले कम्पनीले पहिले पुँजी वृद्धि गर्ने योजना बनाएको छ। राष्ट्रियस्तरको विकास बैंक बन्न ६४ करोड रुपैयाँ पुँजी आवश्यक छ। अहिले कम्पनीसँग ४७ करोड ४४ लाख चुक्ता पुँजी छ। …दुई वर्षभित्र विकास  बैंक बन्न पुग्ने गरी पुँजी वढाउँछौं,' शाक्यले भने, 'त्यसका लागि नाफाबाटै वोनस सेयर दिन्छौं। लगानीकर्तालाई पैसा थप्न लगाउँदैनांै।'
मर्जर प्रकृयामा गएसँगै तीन वटै कम्पनीको सेयर नेपाल स्टक एक्सचेन्ज (नेप्से) मा रोका  राखिएको थियो। कम्पनीले चाँडै सेयर कारोबार खुलाउन पहल गर्ने जनाएको छ। नेप्सेमा एल्पिक एभरेष्टको पछिल्लो सेयर कारोबार प्रति कित्ता १ सय ५० रुपैयाँका दरले भएको थियो। सिएमबी फाइनान्सको १ सय २ रुपैयाँ र वुटवल फाइनान्सको ८० रुपैयाँका दरले कारोबार भएको थियो।
गत वर्षको तथ्यांक अनुसार, सिएमबी फाइनान्सले २ करोड ९ लाख नाफा  गरेको थियो। एल्पिक एभरेष्टले ६७ लाख ५४ हजार र वुटवल फाइनान्सले ९७ लाख ९९ हजार नाफा कमाएको थियो।