काठमाडौं, वैशाख १९
सरकारले अर्थमन्त्रालयको प्रमुख आर्थिक सल्लाहकारमा अर्थशास्त्री चिरिञ्जवी नेपाललाई नियुक्त गरेको छ। बिहीबार बसेको मन्त्री परीषद्ले नेपाललाई राज्यमन्त्री सरहको प्रमुख सल्लाहकारमा नियुक्त गरेको हो।
श्रम र अर्थतन्त्रको सम्बन्धमा विद्यावारिधि गरेका नेपाल २७ वर्षदेखि प्राध्यापन पेशामा आवद्ध छन्। उनी अहिले काठमाडौं विश्वविद्यालका भिजिटिङ प्राध्यापक पनि हुन्। खुला अर्थतन्त्रको पक्षपाती नेपाल यसअघि परराष्ट्र मन्त्रालयका सल्लाहकार पनि थिए। उनी निजी क्षेत्रलाई प्रतिस्पर्धि बनाउँदै अगाडि वढाएर विकास गर्न सकिन्छ भन्ने विचार राख्छन्।
अर्थशास्त्रीहरुको संगठन नेपाल आर्थिक संघका उनी महासचिव हुन्। नेपाल उद्योग वाणिज्य महासंघ र नेपाल चेम्बर अफ कमर्सका प्रमुख सल्लाहकार रहिसकेका उनी नेपाल उद्योग परिसंघको विज्ञ सदस्यका रुपमा चयन भएका थिए। यि तीन वटै संस्था उद्योगी व्यवसायीहरुको प्रतिनिधिमूलक संगठन हो।
आइटी पार्कका पहिलो प्रमुख रहिसकेका नेपाल औद्योगिक व्यवसाय विकास प्रतिस्ठानका कार्यकारी निर्देशक भइसकेका छन्। उनी पुँजी बजारको नियामक निकाय धितोपत्र वोर्डका अध्यक्ष पनि भइसकेका छन्। उनको पालामा पुँजी बजार विकास सम्वन्धि अधिकांस योजना तथा विनियमावलीहरु अगाडि वढेको हो।
No comments:
Post a Comment
thanks for comment