सनराइज बैंकको साधारण सेयरका लागि करिब १० अर्बको आवेदन परेको छ। '३७ करोड ५० लाख रुपैयाँको सेयरका लागि ४ लाख आवेदन र १० अर्ब रुपैयाँको आवेदन संकलन भएको अनुमान छ'- बिक्री प्रबन्धक एनएमबी बैंकका प्रमुख कार्यकारी अधिकृत उपेन्द्र पौडेलले भने।
सनराइजको सेयर वैशाख २० मा बिक्री खुला भै २३ मा बन्द भएको थियो। आवश्यकता भन्दा बढी रकम जम्मा भएकोले ४ दिनमा नै बिक्री बन्द भएको हो। 'संकलन भएको रकमको वास्तविक तथ्यांक सोमबार सम्म आउने छ' पौडेलले भने।
बैंकले संकलन केन्द्रलाई चाँडै फारम बुझाउन अनुरोध गरेको छ। ७० दिन भित्र सेयरको बाँडफाँट गरिने बैंकले जनाएको छ। बैंकले आगामी साता संकलित रकम राष्ट्रबैंकको खातामा जम्मा गर्ने जनाएको छ।
एकसाता सम्म राष्ट्रबैंकमा पैसा राख्दा बैकिङ क्षेत्रमा अझै नगदको अभाव हुने अनुमान छ। 'नगदको अभाव भैराखेको अवस्थामा फेरि १० अर्ब राष्ट्रबैंकमा जम्मा गर्दा समस्या पर्न सक्छ'- एक बैंकरले भने।
यसअघि सिटिजन्स बैंक र बैंक अफ एशियाको साधारण सेयरका लागि ११ अर्ब रुपैयाँको आवेदन पर्दा बैंकिङ क्षेत्रमा नगदको कमी भएको थियो।
No comments:
Post a Comment
thanks for comment