सनराइज बैंकको ३७ लाख ५० हजार कित्ता साधारण सेयर आजदेखि बिक्री खुल्ला हुँदैछ । निष्कासन तथा बिक्री प्रबन्धक एनएमबी बैंकले निष्कासन गर्ने सेयर १०० रुपैयाँ दरको छ ।
नयाँ वर्ष २०६६ पछिको यो सर्वाधिक ठूलो निष्कासन हो भने चालू आर्थिक वर्षको तेस्रो । बैंक अफ एसिया र सिटिजन्स बैंक इन्टरनेशनलले यसअघि सँगसँगै ३०/३० लाख कित्ता सेयर जारी गरेका थिए ।
तिनमा क्रमशः साढे पाँच अर्ब र ६ अर्ब रुपैयाँको आवेदन परेको थियो ।
दुई बैंकबाट गरी करिब ११ अर्ब रुपैयाँ अहिले लगानीकर्तालाई फिर्ता भइरहेको छ । सो रकम जाने भएकाले सनराइजको निष्कासनमा पनि ठूलो संख्यामा आवेदन पर्ने अपेक्षा गरिएको छ ।
सनराइजकै पालादेखि आवेदन र्फममा आवेदकको फोटो टाँस्ने व्यवस्था गरिएकाले फर्जी आवेदन कम हुने अपेक्षा गरिएको छ ।
यसअघि आवेदकको बैंक खाता अनिवार्य गरिएको थियो ।ठूलो आवेदन हुनसक्ने भएकाले भीड सहज गर्न सनराइज बैंकले दशरथ रंगशालामा समेत संकलन काउन्टर राख्ने भएको छ । यसअघि कुनै पनि निष्कासनमा दशरथ रंगशालाबाट आवेदन लिइएको थिएन ।
तीन वर्षअघि साधारण सेयर निष्कासन गरेको गोर्खा विकास बैंकबाट प्राथमिक निष्कासनप्रति सर्वसाधारणको चासो धेरै बढेको हो ।
९ करोड ६० लाखको सो निष्कासनमा १० अर्बभन्दा बढीको सेयर माग भएको थियो ।२३ वैशाखसम्म बिक्री खुला हुने सनराइजको सेयर इन्टरनेटबाट समेत भर्न सकिनेछ ।
निष्कासन तथा बिक्री प्रबन्धक एनएमबी बैंकले आफ्ना खाता भएका लगानीकर्ताका लागि सो मौका दिएको छ ।
एनएमबी बैंकको वेवसाइट लग अन गरी अनलाइन आवेदन र्फम भरी एउटा परिचय नम्बर पाइने र त्यसैका आधारमा संकलन केन्द्रमा रकम वा चेक बुझाउनुपर्ने बैंकले जनाएको छ ।
सेयर आवेदकलाई नै लक्षित गरी सुरु गरिएको इन्भेष्टर्स सेभिङ एकाउन्टमा खाता खोल्नेहरूको पैसा भने खाताबाट स्वतः जाने व्यवस्था मिलाइएको बैंकले जनाएको छ ।
No comments:
Post a Comment
thanks for comment