बैंक-वित्तीय संस्थालाई चेक खरीद अधिकार

नागरिक संवाददाता काठमाडौं भदौ १३ बैंक तथा वित्तीय संस्थाले चेक विल्स खरीद र डिस्काउन्ट गर्न पाउने भएका छन् । यसअघि कम्पनीहरुले यस्तो सुविधा पाएका थिएनन् । यद्यपी चेकको धितो तथा सुरक्षणमा कर्जा प्रवाह गर्न भने नपाउने व्यवस्थामा भने केन्द्रिय बैंकले हेरफेर गरेको छैन । केन्द्रिय बैंकले आइतवार निर्देशन जारी गर्दै यस्तो व्यवस्था गरेको हो । कर्जा सूचना केन्द्र नेपाल क्लियरिङ हाउस र नेसनल बैंकिङ टे्रनिङ इ_िन्स्टच्युट एनबिटिआइ ले सेयर सुचिकृत नभएको अवस्थामा लगानी समायोजन कोष खडा गर्नु नपर्ने भएको छ । यसअघि बैंक तथा वित्तीय कम्पनीको सेयर तथा ऋणपत्र डिवेन्चर मा लगानी गरेपछि त्यो सेयर एक बर्षसम्म पनि सुचिकृत नभए लगानी भए वरावरको रकम लगानी समायोजना कोष खडा गरी त्यसमा जम्मा गर्नु पथ्र्यो । नयाँ कम्पनीमा गरेको लगानी कम्पनी साचालनमा आएको २ बर्षसम्म पनि सुचिकृत नभए लगानी भए वरावरको सम्पूर्ण रकम कोषमा जम्मा गर्ने नीति थियो । नयाँ नीतिपछि कम्पनीहरुले कोषमा रकम जम्मा गर्नु पर्दैन । कोषमा रहेको रकम सेयर र ऋणपत्र सुचिकृत नभएसम्म अन्य काममा उपयोग समेत गर्न पाइदैन थियो । कर्जा सुचना केन्द्र क्लियरिङ हाउस र एनबिटिआइको सेयरमा गरिएको लगानीमा पनि कोष खडा गरिरहनु पर्दैन । यसअघि २ प्रतिशतसम्मको रकमले गणना हुने रकम लगानी समायोजना कोष खडा गर्नु पर्थियो । केन्द्रिय बैंकले यि कम्पनीलाई पुँजी पर्याप्तता प्रुेमवर्क-२००७ अनुसार लगानीको २ प्रतिशतसम्म रकम राख्नु पर्ने व्यवस्थामा पनि छुट दिएको छ । अब यि कम्पनीले कुनै रकम जम्मा गर्नु पर्दैन ।