जोखिम व्यवस्थापनका लागि नयाँ निर्देशिका

काठमाडौंं भदौ ६ नागरिक पछिल्लो केही समयमा बैंकिङ क्षेत्रमा जोखिम वढ्न थालेको भन्दै राष्ट्र बैंकले वाणिज्य बैंकका लागि जोखिम व्यवस्थापन दिग्दर्शन जारी गरेको छ । वासल-२ ले २००६ मा तयार पारेको जोखिम व्यवस्थापन दिग्दर्शनलाई आधार बनाउँदै केन्द्रिय बैंकले पहिलो पटक दिग्दर्शन तयार पारेको हो ।
वासल-२ को कमिटीले जोखिम व्यवस्थापनका लागि २००६ मा कोर पि्र_िन्सपल-७ जारी गरेको थियो । अहिले देखिएका समस्यालाई सवोंधन गर्ने गरी यो निर्देशिका जारी गरिएको केन्द्रिय बैंकले जनाएको छ । २००६ मा जारी भएको दिग्दर्शनलाई समय सान्दर्भिक बनाउँदै नयाँ दिग्दर्शनमा भएको व्यवस्था अनुसार वाणिज्य बैंकहरुले आफ्नो जोखिम व्यवस्थापन नीति तयार पार्नु पर्ने हुन्छ । ुयो आधारभूत दिग्दर्शन होु केन्द्रिय बैंक स्रोतले भन्यो । पुँजी कोषका आधारमा मात्रै नभएर अन्य सैद्धान्तिक तथा व्यवहारिक विषयलाई पनि समेट्दै जोखिम व्यवस्थापन गर्न दिग्दर्शनले भनेको छ । वासल-२ समितिले जोखिम व्यवस्थापन अभ्यास राम्रो तथा दह्रो हुनु पर्छ मात्र भनेको थियो । दिग्दर्शनले जोखिम व्यवस्थापन दक्ष कर्मचारी असल कर्जा लगानी लगायत विषयलाई पनि समेट्नु पर्ने भनेको छ । बैंकहरुले अहिले आफ्नै तरिकाले जोखिम व्यवस्थापन नीति तयार पारेर कार्यान्वयन गर्दै आएका छन् । नयाँ दिग्दर्शन पछि बैंकहरुले यसलाई टेकेर आफ्नो नीति बनाउनु पर्ने हुन्छ ।