बीओकेको नियन्त्रण छोड्न बैंकको सम्पूर्ण हरहिसाबको लेखाजोखा ड्युडेलिजेन्स प्रतिवेदन तत्कालै सार्वजनिक गर्ने निर्णय भएको साचालक समितिका एक सदस्यले बताए। बिहीबार बसेको साचालक समिति बैठकले यस्तो निर्णय गरेको हो।
बैंक तथा वित्तीय संस्थासम्बन्धी ऐनको व्यवस्था बमोजिम ड्युडेलिजेन्स प्रतिवेदन सार्वजनिक नगरी राष्ट्रबैंकले साचालक समिति निलम्वन फिर्ता गर्ने निर्णय गर्न पाउँदैन। 'केही दिनपछि बीओकेको साधारण सभा बोलाई सञ्चालक समिति चयन गरी राष्ट्रबैंकले नियन्त्रण छोडने छ' ती संचालकले भने-'बिओकेका संस्थापकको याचनाप्रति साचालक समिति सकारात्मक छ।'
तत्कालिन बिओके सञ्चालक समितिका अध्यक्ष संजय शाहले बहुमतको आधारमा संस्थापक समेत रहेका प्रबन्ध निर्देशक राधेशपन्तलाई पदबाट हटाएपछि दुईपक्षको विवाद बढेको थियो। यो विवाद मिलाउन राष्ट्रबैंकले दिएको निर्देशन पालना भएन।
उसले सोधेको स्पष्टिकरणको जवाफ समेत चित्तबुझ्दो नभएपछि गत जेठ ५ मा राष्ट्र बैंकले साचालक समिति निलम्वन गर्दै व्यवस्थापन नियन्त्रणमा लिएको थियो। त्यतिबेला राष्ट्र बैंकले तीन महिनाका लागि यस्तो निर्णय गरेको थियो। त्यसपछि शाहपक्षले राष्ट्र बैंकको निर्णय उल्ट्याउन माग गर्दै सर्वोच्चमा मुद्दा दायर गरेका थिए।
राष्ट्र बैंकसँग लडाईं गर्नुभन्दा सहमति गर्दै गल्ती गरेको र भविष्यमा विवाद नगर्ने पत्र सवै साचालकले बुझाएका थिए। 'पत्रमा गल्ती गरेको स्वीकार गरिएको छ'- एक संचालकले भने।
No comments:
Post a Comment
thanks for comment