स्वायत्त नेवाः राज्यको मागमा सोमबार राजधानी बन्द गरिएपश्चात् बैंकहरूले समेत छिट्टै सेवा बन्द गरे ।
कार्यालय बाहिर 'आकस्मिक कारण'को सूचना टाँसेर बैंकहरूले सेवा बन्द गरेका थिए । सडक बन्दले हैरान सर्वसाधारण बैंक सेवासमेत नपाएपछि थप पीडित भई फर्किएका थिए ।
सनराइज बैंकले १ बजेदेखि नै कार्यालय बन्द गरेको थियो भने नविलले ३ बजेदेखि काउन्टर बन्द गरेको थियो । अरु बैंकले पूरा समय कार्यालय खोलेनन् ।
'जरुरी काम थियो र हिँड्दै आएको हुँ,' तीनकुनेस्थित सनराइज बैंक शाखामा २ बजे पुगेका अग्नि भट्टराईले भने, 'तर बैंक एक घन्टाअघि नै बन्द भइसकेको रहेछ, जताबाट पनि जनताले सास्ती मात्रै खेप्नुपर्यो ।'
No comments:
Post a Comment
thanks for comment