अन्नपूर्ण र सानिमाको स्तरोन्नति अन्तिम चरणमा

काठमाडौं साउन ९ 

सानिमा विकास बैंक

राष्ट्र बैंकले अन्नपूर्ण फाइनान्स र सानिमा विकास बैंकलाई स्तरोन्नतिका लागि स्विकृति दिने भएको छ । सुपरिवेक्षण र नियमन विभागबाट स्तरोन्नतिको सिफारिस भइसकेका दुई संस्थालाई राष्ट्र बैंकको साचालक समिति वैठकले अन्तिम स्विकृति दिने छ ।

अन्नपूर्ण फाइनान्स

'दुवै संस्था स्वीकृतिको अन्तिम अवस्थामा छन्,' राष्ट्र बैंकका उच्च अधिकारीले भने, 'वित्तीय सुचकांक राम्रो भएकाले स्तरोन्नतिका लागि साचालक समितिमा सिफारिस गरेका छौं ।' स्तरोन्नतिपछि अन्नपूर्ण फाइनान्स राष्ट्रिय स्तरको विकास बैंक र सानिमा विकास बैंक वाणिज्य बैंक हुने छ ।

दुई अर्बभन्दा वढी चुक्ता पुँजी रहेको सानिमा विकास बैंकले गत आर्थिक वर्ष १५ करोड ४५ लाख खुद नाफा कमाएको छ । गत वर्षको तेस्रो त्रैमासिक अनुसार अन्नपूर्ण फाइनान्सको चुक्ता पुँजी ७० करोड ४२ लाख रुपैयाँ छ ।