डलरको मूल्य सय रुपैयाँ तल झर्‍यो

काठमाडौं, भदौ २६ 

एक सय १० रुपैयाँ पुगेको अमेरिकी डलरको मूल्य बिहीबार एक सय रुपैयाँ तल झरेको छ। राष्ट्र बैंकले बिहीबारका लागि एक डलरको मूल्य १०१ रुपैयाँ २९ पैसा तोकेपनि बैंकहरुले एक सय रुपैयाँभन्दा कममा कारोबार गरेका छन्। बैंकहरुले कारोबार गरेका आधारमा राष्ट्र बैंकले शुक्रबारका लागि एक डलरको मूल्य ९९ रुपैयाँ २ पैसा तोकेको छ।

अमेरिकी अर्थतन्त्र सुस्ताएसँगै डलर कमजोर हुन थालेको हो। डलर कमजोर भएपछि भारतीय मुद्रा बलियो बनेको हो। स्थिर बिनिमय दरका कारण भारु बलियो हुँदा नेपाली रुपैयाँको पनि मूल्य बढ्छ। भारतीय रुपैयाँसँग नेपाली मुद्राको स्थिर विनिमय दर (एक सय भारतीय बराबर १ सय ६० नेपाली रुपैयाँ) भएकाले भारतीय मुद्रा कमजोर हुँदा नेपाली रुपैयाँ सस्तो हुन्छ। 

डलरको मूल्य बढ्दा नेपाली अर्थतन्त्रलाई भने ठूलो असर गर्छ। मूल्य वढ्दा विदेशमा काम गर्ने नेपालीले पठाउने पैसा रेमिट्यान्स आयमा वृद्धि हुन्छ। गत आर्थिक वर्ष चार सय ३४ अर्ब ५८ करोड रुपैयाँ रेमिटेन्स भित्रिएको छ। 

डलरको वृद्धिले निर्यात व्यापारलाई राहत मिल्ने छ। गत बर्षभरीमा निर्यात ७६ अर्ब ९२ करोड रुपैयाँ भएको छ। बस्तु तथा सेवा विक्रीबाट हुने आम्दानीका साथै पर्यटन क्षेत्रको आयसमा समेत सुधार हुने छ। हस्तकला लगायत नेपाली समानका निकासीकर्ताको आम्दानी बढ्छ।