नेपाल बैंकले २५ लाख कित्ता सेयर वोलकवोलबाट विक्री गर्दै

काठमाडौं, भदौ ३०

नेपाल बैंक लिमिटेडले सार्वजनिक आह्वानमा विक्री नभएको २४ लाख ९० हजार ८ सय ४ कित्ता हकप्रद सेयर सोमबारदेखि वोलकवोलमार्फत विक्री गर्ने तयारी गरेको छ। बैंकले चुक्ता पुँजी ४ अर्ब रुपैयाँ पुर्‍याउन गत जेठ ९ गते हकप्रद सेयर जारी गरेको थियो।

असार २७ गतेसम्म विक्री खुला राखिएको सेयरमध्ये केहीका लागि आवेदन परेको थिएन। बैंकले प्रति एक बराबर ९.५१ को अनुपातमा हकप्रद सेयर जारी गरेको थियो। बैंकले प्रति कित्ता न्युनतम एक सय रुपैयाँ कायम गरी सेयर खरिद गर्न आवेदन दिन सकिने ब्यवस्था गरेको छ। 

बैंकको सेयर प्रचलित कानुन तथा नेपाल राष्ट्र बैंकको एकिकृत निर्देशिकामा भएको व्यवस्था अनुसार अयोग्य नभएका सर्वसाधारण व्यक्ति, फर्म, कम्पनी वा संस्थाले किन्न पाउने छन्। गरि  सार्वजनीक सूचना प्रकाशितगरि शिलबन्दी प्रकृयाद्धारा शेयर लिलामी गर्न लागिएको हो। 

सेयर खरिद गर्न चाहनेहरुले असोज ८ गतेसम्म आवेदन दिन सक्ने बैंकले जनाएको छ। बैंकको निष्काशन तथा बिक्रि प्रबन्धक सिभिल क्यापिटल मार्केट लिमिटेड हा्। बैंकले असोज ९ गते सेयर वोलकवोल मार्फत विक्री गर्ने छ।

सेयर बाँडफाँड गर्दा सबैभन्दा बढी मुल्य प्रस्ताव गरी आवेदन दिने आवेदकलाई प्राथमिकता दिइने बैंकले विज्ञप्तिमा जनाएको छ। यसबाट पनि सेयर बाँकी रहेमा त्यसपछिको बढी रकम कबोल गर्नेलाई दिइने छ। बोलकबोलमा सेयर बिक्री गर्दै जाँदा एउटै मुल्यमा दुई वा दुई भन्दा बढी आवेदनहरु परेमा समानुपातिक रुपमा बाँडफाँड गरिने छ। 

बैंकको अहिले चुक्ता पूँजी ३ अर्ब ७१ करोड ६४ लाख ४३ हजार २ सय रुपैयाँ रहेको छ। बैकमा सरकारको ३८.६० प्रतिशत र सर्बसाधारण, संगठित संस्था तथा कर्मचारहरुको समेतगरि ६१.४० प्रतिशत हिस्सा रहेको छ। 

७६ बर्ष पुरानो बैंकको देशभर १ सय १६ वटा शाखा छन्। बैंकको ग्राहक संख्या दश लाख छन्।